Эмил Үмөталиев: “Амазон” биздин ишкерлерге чоң мүмкүнчүлүк менен эркиндик берди”
-- Ири интернет базары болгон “Amazon” компаниясына кыргызстандык товар өндүрүүчүлөр үчүн соода мүмкүнчүлүгү ачылбадыбы. Мындай ыңгайды алгылыктуу колдонуп кетүү эмнеден көз каранды болот?
-- Бул ишкерлердин сыйкырына, жетишкендигине, тобокелине байланыштуу болот. Анын кандай болорун алдын ала эч ким айта албайт. Негизи “Амазонго” ушундай шарт ачылганы биз үчүн чоң мүмкүнчүлүк жана эркиндик. Эми аны туура колдонуп кете алгандар үчүн дүйнөлүк соодага жеңил жана тез өтүүгө жол ачылды. Жергиликтүү ишкерлер муну ачылган чоң дарбазадай кабыл алышы керек. Ал эми кимиси кардардын суроо-талабына жооп бере турган эмгегин сунуштай алары ишкерликтин чеберчилигине байланышкан.
-- Интернетте соода кылууда кимдер артыкчылык алышы мүмкүн?
-- Биринчиден, интернетти мыкты билүү керек. Анан албетте, англис тилин билгендер артыкчылыктарга ээ болушат.
-- Ал жерде өз эрежелери бар да, аны үйрөнүү, сактоо дагы маанилүү болсо керек?
-- Сөзсүз өз эрежелери болот. Бирок, биздин ишкерлер үчүн маанилүүсү – “Амазон” ачып берген мүмкүнчүлүктөрдү колдонуу. Ал эми эрежелерди үйрөнүү, сактоо ар бир ишкердин өз мойнунда.
Мээрим Асанова
"Азия Ньюс" гезити
