Талант Кушчубеков: “Орустар тажиктерге тартып жатат” дегенден алыс бололу”
Тышкы иштер министринин мурдагы орун басары, дипломат менен маек.
-- Орус-кыргыз мамилеси кандай уланат? Биздин президентибиз Садыр Жапаровдун 9-май майрамындагы парадга чакырылбаганына түрдүү жоромолдор айтылууда...
-- Бул жерде түздөн-түз “орустар тажиктерге тартып жатат” дегенден алыс болушубуз керек. Себеби, Кыргызстан дагы, Тажикстан дагы коопсуздук келишиминин мүчөсү. Россия нейтралдуу позицияны кармап турганы ошондон. Эмомали Рахмон 9-майда парадга барып, Владимир Путин менен түзмө-түз жолугары айтылып кетти. “Ал киши чакырылып, Кыргызстандыкы чакырылбай калыптыр” деп айткандан алысмын. Менин түшүнүгүмдө, атайын эч ким деле чакырылган жок. Пандемияга байланыштуу мурдагыдай чоң деңгээлде парад болбойт. Дагы күтө туралы. Кандай сүйлөшүүлөр болот, убакыт көрсөтөт. Тажикстан тарапка Россия эмне дейт? Ошого жараша биз дагы өзүбүздүн позициябызды көргөзүп, билгизе баштайбыз да. Ага чейин шашылыш бир пикирди айтуу да туура эмес. Баарын убакыт көрсөтөт.
Жамиля Нурманбетова
"Азия Ньюс" гезити
