Арслан Койчиев бийликтин жазуучусу болгону үчүн чыгармалары сындалбай атабы?
Былтыр Арслан Койчиев Эл жазуучусун алып, андан соң Токтогул атындагы мамлекеттик сыйлыкка да көрсөтүлүп, комиссия мүчөлөрүн таңгалдырганы эсибизде. Кызыгы, бир жылда катар-катар сыйлыктарды алганга болбосун айтышып, араңдан зорго токтотуп калышканбы? “Нысапсызга кашың сунсаң эки ууртайт” деген лакап кеп эске түшүүдө.
Айтмакчы, жакында адабиятчылар тар чөйрөдө масилет курушуп, Арслан Койчиевдин “Мисмилдирик”, “Бакшы менен Чыңгызхан” аттуу романдарын “жиликтеп” таштоо боюнча аргументтер айтылып, бирок ачык чыгууга даашпаганы эмнени билдирет? Ортозаар таризинде бааланууда. Көрсө, автор президентке жакын адам экен, анын кеңешчиси катары жүргөнү адабиятчыларды кооптондуруптур. “Романдарын сындап, жокко чыгарып салсак, анык балээсине калабыз. Азырынча унчукпай туралы, эл катары жөө жүргөндө “соёлу” деп токтошуптур. Ошондо бийликтин адамы болгону үчүн жазуучу катары ардакталып, төрдөн орун тийген кезеңиби? Акыры чыгармачылыгы адилеттүү талданышы керек да. Эртеби-кечпи “эрке балалык” доору тамамдалса, калемин “кайраган” нак сынчылар романдарын “шылып” түшүүгө батынышса керек...
