Акыркы кабарлар
» Коом » Балдар арасында сасык тумоо дале күч алууда
Балдар арасында сасык тумоо дале күч алууда
17-ноябрь, 11:38
Саламаттык сактоо министрлигинин маалыматы боюнча, үстүбүздөгү жылдын акыркы үч айында курч респиратордук инфекциялар менен катталгандардын саны август айында 11,9 миң учур болсо, октябрь айында 31,3 миң учурга көбөйгөн.
Маалыматка ылайык, октябрь айында курч респиратордук инфекциялары менен катталган оорулардын учурлары эң көп үлүшү Бишкек шаарына (ооругандардын жалпы санынын 41%дан ашыгы), Чүй облусуна (25%ке жакыны) жана Ысык-Көл облусуна (13%дан ашыгы) туура келди. Октябрь айына карата оорулардын саны сентябрь айына салыштырганда 2,3 эсеге, августка салыштырганда 2,6 эсеге көбөйдү
Курч респиратордук инфекциялар менен ооруган балдардын жалпы санында эң көп үлүшү 14 жашка чейинки курактагылар арасында байкалган, алардын негизги бөлүгү Бишкек шаарында, Чүй облусунда жана Ысык-Көл облусунда.
