Марлен Маматалиев, ЖК депутаты: “Шылуундарга каршы жаңы мыйзамдар менен иштеп жатабыз”
-- Түрдүү жол менен элди алдаган шылуундарга каршы мыйзамдардын үстүндө иштеп жатыпсыздар. Эл үчүн алдануунун алдын алууга мүмкүнчүлүк жаралабы?
-- Алдамчылардын аягы түгөнбөйт экен. Ар кандай жолдор менен элди алдап, түрдүү процесстер улам жаңырып жүрө берет тура. Улам жаңы талаптарга ылайыкташтырып мыйзамдарды жазып келе жатабыз. Буга чейин исламдын, диндин атын жамынып алгандардын иштерине чекит коюп жаптык эле, эми дагы бир жаңы түшүнүк келди. MSN GOIN, криптовалюта деп жаңы жолдор менен шылуундар чыкты. Уюлдук телефондор аркылуу элдин акчасын шыпыргандар чыкты. Булардын да иштерин алдын алуу үчүн мыйзамдарды күчөтүш керек экенин аныктап, азыр жаңы мыйзамдардын үстүндө иштеп жатам. Анын алкагында шылуундар криптовалюта сыяктуу түрдүү жолдор менен элди алдабай турган мүмкүнчүлүк түзүп беребиз.
Гүлжан Төрөбаева
