“Өкмөт менен парламенттин кайым айтышуусуна көңүл бөлүүнүн кажети жок”
-- Соңку убактагы өкмөт менен парламенттин ортосундагы кайым айтышууларды эске алсак, бул көрүнүш бийликтен ынтымак кете баштаганын билдиреби?
Эмир Сарпашов, ишкер:
-- Андай деп ойлобойм, себеби, тирешүүдөн, талаш-тартыштан тактык, чындык жаралат. Аткаруучу бийлик менен мыйзам чыгаруу бийликтин ортосунда “эрөөлдөр” боло келген, мындан кийин дагы улана бермекчи. Кимиси чындыкка жакын – ошол маанилүү. Эгерде бирөөсү чындыктан өтө эле алыстап кетсе, анда иш чатак.
Ташболот Балтабаев, экс-депутат:
-- Азыр бизде бир эле бийлик бар – бул президент. Башка формалдуу бийлик бутактары эчтеке чечпейт, элдин көзүнчө "кожо көрсүн" кылып талашып-тартышымыш боло беришет. Кожоюн "пыш" десе момпоюп отуруп калышат. Ошондуктан көңүл бурбай эле коюш керек алардын арзыбаган кайым айтышуусуна...
"Азия Ньюс" гезити
