Помидор кан басымды түшүрөт, канды суюлтат
Азыр эми помидордун сезону келди. Помидор кан басымды түшүрөт, жүрөк булчуңун бекемдейт, канды суюлтат. Андагы клетчатка – ашказан-ичегинин калыптагыдай иштөөсүн шарттайт, ликопин простатит жана аденома оорусунун алдын алат.
Томат ширеси бөйрөктүн иштешин жана зат алмашууну жакшыртат. Организмден ууларды, шлакты, зыяндуу холестеринди чыгарат. Терини нымдаштырып, серпилгич кылат.
Томат ширесин учак менен узакка учар алдында же учуу кезинде ичсе, кан тамырда кандын уюп калышынын алдын алат. Анткени узакка учууда кан жай айланып баштайт.
Курамында кант жок болгондуктан арыктагысы келгендер жана кант диабети барлар ичсе болот. Анемия, гастрит оорусу барларга сунушталат.
Эскертүү: помидорго кимдин аллергиясы болсо, томат ширесинен да аллергия болот. Аталган ширени ашказан жана 12 эли ичегинин жара оорусу, ашказан кычкылдуулугу жогору болгон гастрит оорусу, өттүн жана табарсыктын таш оорусу барларга ичүү сунушталбайт...
