Кырк жаштан кийин сулуулукка кантип кам көрөсүз?
Эгерде сиз бет териңизге кырк жашка чейин түрдүү маскаларды колдонуп, кам көрүп келсеңиз, анын идеалдуулугун сактап калсаңыз, мындан ары да сактап калуу оңой болот.
Стресске кабылуу, күнүмдүк жумуш аткаруу менен жаш улгайган сайын тери чоюлуп, ага бырыш түшө баштайт. Өзгөчө узун-узун бырыш сызыктары айымдарда кырк жаштан кийин пайда болот.
Макияж жасоодон коркпоңуз!
Көпчүлүк айымдар күнүгө бетке макияж жасоодон коркушат. Анын себеби, “бетимдин териси жакшы эс албай, бырыш бат түшөт” деп ойлошот. А бирок, чындыгында, адистер айымдарга күнүгө макияж колдонуп жүрүүнү сунуш кылышат эмеспи. Анткени макияж жасап, беттин терисин сырткы факторлордон коргогон болосуз. Аны менен кошо көпчүлүгү күндөн коргоочу кремдерди дагы колдонбойт. Дал ушул күндөн коргоочу кремдин жардамы менен сиз бет териңизди зыяндуу ультрафиолеттерден сактай аласыз.
Көздүн тегерегине көңүл бөлүңүз!
Көздүн тегерегинде май бездери жок, ошондуктан анын тегерегине бырыш бат түшөт. Аны алдын алуу үчүн бырыштан коргоочу кремдерди колдонуп туруңуз.
"Азия Ньюс" гезити
