Прогноз погоды в городе Бишкек
Акыркы кабарлар
» » Адамдар бири-бирине нааразы болуп урушканда, алардын жүрөктөрү муздай баштайт

Адамдар бири-бирине нааразы болуп урушканда, алардын жүрөктөрү муздай баштайт

06-апрель, 11:29
814 ᠌ ᠌ ᠌ ᠌᠌ ᠌ ᠌᠌

Бир күнү мугалим окуучуларынан сураган экен:

-- Эмне үчүн адамдар урушканда кыйкырышат?

-- Анткени, өздөрүнө өздөрү ээ болбой калышат, - деди бирөө.

-- Ошондо да кыйкырып эмне керек, ал киши жаныңда турган жокпу? - деп сурады мугалим. -- Аны менен акырын сүйлөшүүгө болбойбу?

Окуучулар биринен сала бири өздөрүнүн жообун айтып жатышты, бирок бири да канааттандырарлык жооп бере алган жок. Акыры мугалим мындайча түшүндүрдү:

-- Адамдар бири-бирине нааразы болуп урушканда, алардын жүрөктөрү муздап, алыстай баштайт. Ошол себептүү алыскы аралыкты камтып, бирин-бири угуу үчүн кыйкырышат. Канчалык ачууланган сайын аралыктары ошончолук алыстай берет да, кыйкырыктар күчөй берет. 

-- Ал эми адамдар бирин-бири сүйүшкөндө эмне болот? Алар тескерисинче, акырын сүйлөп калышат. Эмнеге? Анткени, жүрөктөрү жакындап, алардын ортосундагы аралыктар азаят. -- Ал эми катуу сүйүшүп калган кездечи? - деп сөзүн улантты мугалим.

Алар сүйлөбөй эле бири-бирине шыбырап калышат. Ошентип акыр-аягы шыбырдын да кереги жок болот. Алар сөзү жок эле бирин-бири карап, көздөрү менен сүйлөшүп калышат. Мындай көрүнүш эки сүйүшкөн адамдын ортосунда болот.

Ошондуктан, жүрөктү суутуп, алыс кыла турган сөздөрдү бири-бириңе айтпай жүргүлө. Анткени бир күнү алыстыктан адашып, жүрөккө жол таппай калышың мүмкүн.


“Ааламтордон алып, орусчадан которгон Анара Савай (Айдаркулова) 

"Азия Ньюс" гезити

Бөлүшүү:
Тектеш материалдар:
Эң көп окулгандар
Жөтөлдөн айыгууга сонун рецепттерди сунуштайбыз. Сактап коюңуз!
Бүркүттүн алдында калган коёндой эле бырпырадым…
(Видео) Баткен согушунун ардагерлери элибиз үчүн күйүп, кайрылуу жасашты
(Видео) Лейлектеги атышуу: "Кыргыз элим, биз жардамсыз калдык..."
(Видео) Баткен губернатору Алимбаевди тоготпой, 70 пайыз жетекчилер кетип калышыптыр
Президент Садыр Жапаровдун акыркы кырдаал боюнча кайрылуусу
(Видео) Кыргыз айылын талкалап жаткан тажиктерди токтотууга болобу?
Aryba.kg - Маалымат порталы
Сайтка баа бер