Депутат төшөктөшүм... Ак шуубадан кийин автоунаа алып бересиңби?
Жайдын орто ченинде экөөбүз жолуктук. Депутаттык жолтандабас машинеңе салып алып тоо жакка зуулдата жөнөдүк. Ала-Арча капчыгайынын төрүнө чейин чыктык. Жеңил кийинип алганга бир аз чыйрыгып кеттим. Артыман келип кучактап, “үшүдүңбү жаным, шашпа, жарым айдан кийин Дубайга учам, ошондо сага аппак үлпүлдөк шуба ала келем. Аны кийгенде үшүбөйсүң” деп, акырын бетимен сүйдүң. Чын эле Дубайдан мага чапчак аппак, үлпүлдөгөн жылуу шуба апкелдиң. Азыр декабрдын орто чени болсо да кар жок. Эротикалык ич кийимдин (аны да сен алпергенсиң) тышынан эле сен белек кылган аппак шубамды кийип алып, сага баргым келет. Сагындым сени ак кар...
Ошол күн да келсе, узак түндөрдү экөөбүз өткөзсөк, анан апакай машина саттырып алсам, кандай гана жашоонун татуулугу болот эле? Кыялымдагы баардык кымбат нерселер орундалып келатат... Бар бол, менин шумкарым!
"Азия Ньюс" гезити