Кызым сетевая компанияга кирип, сабагын таштап, болгон акчаны ошол жакка коротууда

02-апрель, 14:04

1 036 ᠌ ᠌ ᠌ ᠌᠌ ᠌ ᠌᠌

Биз күйөөм экөөбүз балалуу болбой кыз багып алганбыз, кызыбыз азыр 18 жашта, колледжде английский факультетте окуп жатат. 2 жыл жакшы, алдыңкы студенттердин катарында окуду, карантин башталып, сабакка барбай калган учурда сетевая компанияга кирип алып, сабактарын таштап, колуна тийген акчаны ошол жакка сарптап, жада калса үйдөн уурулук кылып кирди. Атасы экөөбүздүн күчүбүз жетпей калды, “иштебе” десек “өлүп алам” дейт. Кандай кылып чыгарып алышты билбей калдык. Негизи генинде да барбы? Жалганчылык, уурулукту башта да кылып жүрчү экен. Эмне кылышты билбей айлабыз кетип жатат, намаз окуган сайын Алладан ыйманын тилейм, сиздерден кеңеш сурап, кайрылгым келди. Ушундай абалдан чыккандар болсо кеңеш берип койгулачы?..

Жылдыз