Күйөөм алыста. Беш жыл ичинде үйдө отуруп, аябай бук болуп кеттим

31-март, 20:04

2 686 ᠌ ᠌ ᠌ ᠌᠌ ᠌ ᠌᠌

Турмушка чыкканыма беш жыл болуп калды. Эки балабыз бар. Кайната-кайненемдер менен турабыз. Күйөөм алыста иштейт. Үйлөнгөнү 6 ай чогуу жашадык. Анда-санда эле келбесе, иштин айынан келбейт. Ушул 5 жыл ичинде үйдө отуруп аябай бук болуп кеттим. Элге окшоп жетелешип бир жакка бармак тургай, өзүмдүн төркүнүмө да араң суранып барам. Мени үй иштерин кылдыртканы эле алып келип койгондой сезиле берет. Иштейин десем иштетпейт.  Күйөөмө, кайын журтума “дүкөн ачып иштетейин” деп айтып алып, балээге калдым. Үйдө уруш күчөдү. Үйдө үй иштери бүтпөйт.  “Ичип-жеп эле жатасың” деп да чыгышат. Деги кандай кылсам болот?

 Замира