Көзү өткөн жубайыма аябай окшош экенсиз...
(Журналист Айгерим Кубатбековага!)
Турмушта кызык эле көрүнүштөргө туш болот экенсиң. Каза тапкан жубайыма Айгеримдин куюп койгондой окшоштугуна баа бердим. Кызыгуум артып, байкоо сала баштадым, чын эле. Соцтармактагы сүрөттөрүн карап чыктым. Жашоомо жарык чачылгансыды. Аялымды аяп, жүрөгүм ооруп, букка толуп жүрдүм эле. Эми кичине жеңилдеп калдым. Ар кандай ойлор жетелейт... 35 жашка чыгып калсам да, бойдок жүргөнүмө арданам. Айгерим менен таанышып, жоготуумдун ордун толтурууну ойлодум. Эң башкысы, мүнөзүбүз келишип, жылдызыбыз жарашса, баш кошууга даяр элем. Өзүм жөнүндө айта кетсем, бир жогорку окуу жайында мугалим катары эмгектенем. Чакан бизнесим бар. Кызым быйыл мектепке барат. Менде баары жетиштүү, бир гана үй кожойкеси жок. Жубайым 5 жыл мурун жол кырсыгынан өтүп кетпесе, кандай бактылуу жашайт элек? Айла жок. Ал күндү эстегим келбейт. Кандай кылсам? Айгерим менен таанышкым келип атат. Бирок көз караштарыбыз эки ача чыгып калбайбы? Санаага батканым ушул...
"Азия Ньюс" гезити
