Эч качан эркектен мурун аялды албасын, жалгыздык жанга батты

27-март, 09:00

643 ᠌ ᠌ ᠌ ᠌᠌ ᠌ ᠌᠌

Жашым 49да, мындан 8 жыл мурун байбичем рак оорусунан улам көз жумган. Эки уул, эки кызым бар. Бир уул, бир кызымды өзүм үйлөп-жайладым. Балдарымдын баары шаарда иштешет, мен болсо айылда, балдарыма жүк болгум келбейт. 20 тоок, эки уй торпогу менен бар, ошолор менен алышып, эрмектейм. Карыган сайын эркекке жалгыз кыйын болот экен, эч качан эркектен мурун аялды албасын. Кубанычымды, кайгымды жан шеригим менен бөлүшкүм келет, бирок аттиң… Жалгыздык деген мени арбап алды, өзүм менен өзүм күбүрөнүп коюп эле отурам. Көчөдө достор, кошуна, тааныштар менен сүйлөшүп алаксыйм, анан алар да үйлөрүнө кирип кетет экен, кайра эле жалгыздык менен кучакташып калам мостоюп. Жалгыздык жанга батты. Муну жалгыз калгандар түшүнөт.

Асан 

"Азия Ньюс" гезити