Сүйгөнүм сулуулугу менен тагдырымды талкалады, таштады да кетти...
Мен үй-бүлөлүү, үч уулдун атасы элем. Кырк жаштын кырына келгенде чоң жаңылышык кетирип, үй-бүлөм бузулуп, төрт дубалдын ортосунда канча күндөрдү кечирип келем. Кызматым жакшы, келинчегим түшүнүктүү, татынакай үч уулду төрөп берген жароокер жан эле. Ошондой күндөрдүн биринде кесиптеш болуп Асел деген татынакай айым иштеп калды. Негедир анын башкача көз карашы менин көңүлүмдү бурду. Бойдок, сүлкүлдөгөн жаш балдарга көңүл бурбай, мени азгырды. Күн санап экөөбүз жакындап бараттык. Сүйүүбүз тереңдеп кетти...
Ушакчылар үй-бүлөмө жеткирди. Келинчегим уулдарымды жетелеп кетип калды. Анда деле көзүм ачылган жок. Аселге азгырыла бердим. “Баш кошолу” дедим. Ал акырындап өзгөрө баштады. Көрсө, ал менин башымды айландырган соң, башканы жактырыптыр. Сүйгөнүм сулуулугу менен тагдырымды талкалады, таштады да кетти... Көпөлөктөй болуп дагы канча жүрөккө конот?.. Дагы канча тагдырды талкалайт?..
Баяс
