Сыртымдан күлгөнүм менен ичимден ыйлайм, адамдардан качам...

28-январь, 17:45

1 524 ᠌ ᠌ ᠌ ᠌᠌ ᠌ ᠌᠌

Мен сиздерден жөн гана жакшы сөз угуп, колдоо күткүм келди. Жолдошум экөөбүздүн турмуш курганыбызга үч жыл болду. Шаарда батирде турабыз. Экөөбүз тең иштейбиз, балалуу боло элекпиз, барбаган жерибиз калбады. Анализдерибиз таза чыкты. Врачтар “болот, күткүлө” деп атышат, бирок күткөн ушунчалык кыйын экен. Бизден кийин үйлөнгөндөрдүн баары балалуу болушту, биз эле калдык. Балаң жок болсо адамдардан дагы бөлүнүп калат экенсиң. Бирөөлөр менен сүйлөшкөндөн дагы качып калдым, сүйлөшсөң эле бала темасы ачылат. Акыркы бир жылдан бери стресс, депрессияга кирип кеттим окшойт, күндө ыйлаганды адат кылып алдым. Сыртымдан күлгөнүм менен ичимден ыйлайм. Кайын журтум жакшы, Кудайга шүгүр, бизден жаңылык күтүшөт, жаңылык айткыбыз келет, бирок айла жок...