Жылдыз айымды “урушчаак” дешет. Бирок жайдары мүнөзүн көрдүм...
(Жылдыз Бекбаевага!)
Көптөн бери Жылдыз айымды Фейсбуктан акмалап, кесипкөй адис катары баалап жүргөм. Сүрөттөрү чыгып калса карап коём. Анан бир күнү таанышыман сурасам, “анын кыялы жаман, урушчаак” деп айтты. Дароо тизгин тартып, этияттап калгам. Жакында бир дүкөнгө кокусунан чогуу кирип, жанаша соода кылып атпайбызбы. Тагдырдын тамашасы. Чочулап жүргөн адамым сылык, ачык мүнөз, жайдары экен. Таанышууга ниет кылып, бирок “тил угуп калам го...” деген ойдо артка кетенчиктедим. Ошентип, ал күн бир бактылуу ирмем катары эсте калды. Инттернеттен кат жазууга ашыгып, дагы эле тартынам. “Тааныбаган адам эле жазып атса, кандай жооп узатат болду экен?” деген санаркоого кабылам. Телефон номерин деле издегенге аракет кылган жокмун. Өзүмчө бушайман болуп жүрөм. Угушума караганда бойдок окшойт. Мына ушул гана үмүт берип, алдыга жетелейт. Кезигише турган күндү күтөм...
Азат
"Азия Ньюс" гезити
