“Атасы алкаш, апасы майып” деп мени чанып, баласын өлүмгө узатышты

06-апрель, 20:22

1 507 ᠌ ᠌ ᠌ ᠌᠌ ᠌ ᠌᠌

Мен биринчи сүйүүмдөн намыс үчүн баш тарттым. Анын апасы менин коңшуларымдын көзүнчө жаман сүйлөптүр. “Атасы алкаш, апасы майып. Алма сабагынан алыс түшпөйт. Энеси кандай болсо, кызы ошондой болот” деп кайдагы сөздөрдү айтканы үчүн баш тарттым. Жакшы жашашчу. Өзү теңдүүлөрдүн кызын алып берди. Алты ай жашабай ажырашып кетишти. Мен сүйгөн жигит аракка берилип кетти, жаман чөйрөгө кошулду. Ата-энесин чарчатты. Ошондо менин ата-апама куда түшүп келишти. Кечирим сурашып. Чоң энеси да келди. Атам менен апам кечирди, мен болбой койдум. Намыстанып. Билем, анда күнөө жок болчу. Аны сүйсөм да кечире албадым. Ошондон бери ал 4-5 жолу үйлөндү. Бир күнү асынып каза болуп калыптыр... Айрым ата-энелер балдарынын тагдыры менен менен ойноп, артык кыла алышпай тыртык кылган учурлар көп. Балким менин жазганым айрымдарга сабак болоор...

Акылай К. 

Aryba.kg