Көптү көргөн айым катары көкүрөктөн түнөк алдыңыз...
(Жылдыз Садырбаевага!)
Жогорку Кеңешке өткөн аял депутаттардын ичинен көзгө урундуңуз. Өзүңүздү алып жүргөнүңүз, өң-түспөлүңүз, билимиңиз, анан да көп жылдан бери дары-дармектер бизнесинде ийгилик жаратканыңыз... Жашыңыз да 50дөн ашып, бай тажрыйба топтоп, бышып турган убагыңыз экен. Мына ушундай деңгээлиңиз менен депутаттык креслого отурганыңызды колдойм. Эми эл үчүн пайдалуу иштерди жасайсыз, үмүт чоң!
А айрымдар базарларда, спорт залдарда жүрүшүп, акыл-парасаттары пас бойдон кимдир бирөөлөрдүн колдоосу менен мандат алып атышпайбы. Анан акыл үйрөтүшкөндө күйүп кетесиң да. Аларга караганда төөлүк өйдө экенсиз.
Мен негизи сиздей билимдүү, көптү көргөн айымдарды жактырам. Баардык жагынан төп келишип турасыз. Көкүрөктөн түнөк алдыңыз... Жаш кыз-келиндерге үлгү болушуңузга тилектешмин!
Мидин, мугалим
"Азия Ньюс" гезити