Акыркы кабарлар
» Коом » Алмаз Тажибай, саясат талдоочу: “Тоталитардык саясый режимдеги өлкөлөр ЛГБТны куугунтукка алышат”
Алмаз Тажибай, саясат талдоочу: “Тоталитардык саясый режимдеги өлкөлөр ЛГБТны куугунтукка алышат”
12-июнь, 09:00
-- Сиздердин ЛГТБны колдоп чыкканыныздар талкуу жаратууда. ЛГТБ боюнча оюңуз кандай?
-- Эми аны адам укугун коргоочулардан сурасаңар жарашат. Демократиялык саясый режимдерде алардын укуктарын колдоп, сакташат, коопсуздугун мамлекет камсыз кылып турат. Анткени демократия өнүккөн өлкөлөрдө адам укугу ар бир адамга таандык, алар башкалар менен теңдикте укуктарын сактап айырмалабайт. Демократия эмес авторитаризм жана тоталитардык саясый режимдеги өлкөлөр ЛГБТны куугунтукка алышат. КР Конституциясында адам укугу ар бир адамда корголушу зарыл. Ошондуктан ЛГБТ укуктарын аларды дискриминацияга албай, теңдикте, коопсуздугун тебелебей, аларды жаман сөз менен куугунтукка албаш керек. А эгерде “Башмыйзамды сыйлабайбыз, андагы укуктук нормасын сактабайбыз” десек, анда ЛГБТ куугунтукка алынат. ММКларда жамандап, коомду негативге алып келишет. Бул айрым бир арзан саясатчылардын иши. Абийирсиз коомдук ишмерлер жана саясатчылар ЛГБТ жеңил тематикасын, андагы адамдын сексуалдык ориентациясына жана гендердик өзгөчөлүгүнө басым жасашып, коомдо манипуляция кылышат. Жек көрүүчүлүктү жана агрессияны жайылтышат. Биздин саясатчылар ксенофобия колдонсо, абал курчуп, өлкөбүздө жалпы жарандардын адам укуктары тебеленет."Азия Ньюс" гезити
