"Мени муунтканда балдарым “апамды өлтүрбө” деп ыйлашчу" (Жабыркаган аялдын окуясы)
“Балдарым кыйкырып, "ата! Апамды өлтүрбө!” деп ыйлаганда аларды ыргыта чаап, “баргыла, бөлмөңөрдөн чыксаңар, силерди да өлтүрөм!” дечү” дейт Майрам.
Майрам үч баласы менен күйөөсүнөн качып чыккан. Коңшулары "Сезим" кризистик борбору тууралуу билип, жардам беришкен.
"Жабыркаган келиндин психологиялык травмалары бар. Ал аябай кыйналды, эки күн төшөктөн туралбай жатты" дейт "Сезим" кризистик борборунун кызматкери Анара Омуркулова.
"Крокодил учабы?" деп сураганда "учат" деп турушум керек болчу да. Анан "сиздики туура, жаным" деп жата калып таманынан өбүшүм керек болчу. Ошого да баргам" деп Майрам окуясын улантты.
Дарыгерлер Майрамдын жана анын балдарынын бир нече жери сынганын аныкташты. Бардык балдардын мээси чайкалып калган. Учурда алар дарыланып жатышат.
"Кыргызстанда күндө аялдарды уруп, зордукташат. Статистика боюнча көп учурда жакындар сабашат. Алар бардыгына чыдап, зомбулук көрсөткөн жакындары менен бирге жашоого аргасыз" деп коалициядан маалымдашты.