Сени өзүмдөн алыстатуу өтө кыйынга турду, бирок артка жол жок
Баары бүттү. Акыркы чечимди чыгардык. Экөөбүз эки жакка кеттик. Сен балдарыңды, аялыңды ойлодуң. Мен болсо бир тууган сиңдилеримди,
келиндеримди ойлодум, кайтар дүйнө болуп кайрылып келип, алардын жашоосунда дагы мага окшоп үчүнчү адам пайда болуп, аларды кыйнашын каалабадым!
Бирок сени дагы деле жакшы көрөм. Билем, сен да сүйөсүң, эркектикке салдың, көзүңдү ала качып, шарт бурулуп кеттиң. Машинаңды чаңытып айдап бараттың.
Баары бүттү, сен эми келбе, кайрылсаң өзүмдү кармай албайм. Эгер келбесең артыңдан издеп баралбайм. Сени өзүмдөн алыстатуу өтө кыйынга турду, бирок артка жол жок. Сен да кайрылба, мен да кайрылбайм. Экөөбүздүн ушул чечимибиз гана туура. Жоодурап сүрөттөгүдөй өткөн күндөр, өткөн элестер гана жүрөктөрдө жайшай бермекчи. Ал сезим биздин көзүбүз жумулганча жашайт. Кош эми...
Жанара
"Азия Ньюс" гезити
