Капкара болгон Аскат Сулаймановго сизди ыраа көрбөйм
(Альбина Имашовага!)
Сиздин чыгармачылыкка көптөн бери кызыгып, жогору баа берип келем. Аткарган ролдоруңуз мыкты. Ийине жеткизип, көркүн чыгарасыз. Бүгүнкү күндө кызыктуу кыргыз кинолорун көрсөк, анда сөзсүз каарман катары катышканыңыз купулга толот. Жылдыздуу, чырайлуу келбетиңизге сүйлөгөн сөзүңүз, образды ачып бергениңиз шайма-шай төп келет. Бирок, кээде кинодогу күйөөлөрүңүз сизге жарашпай, чыныгы жуптай көрүнбөй калат экен. Мисалы, жанагы Аскат Сулайманов деген курсактуу, капкара кишиге дегеле сизди ыраа көрбөйм. Ошону менен эрди-катын катары ойногонуңуз окшошпойт да. А баса, турмуштагы жолдошуңуз Арнис мыкты жигит көрүнөт. Таланттуу актёр тура. Бою гана кичинелик кылбаса, калган жагы түзүк өңдөнөт. Кыскасы, Альбина айым, сиздин чыгармачылыкты колдоп, талантыңызды жактырган күйөрманмын. Дайыма асманыңыз ачык, жолуңуз шыдыр болсун! Кыргыз кереметтерин жаратууга салым кошо бериңиз...
Бакай
"Азия Ньюс" гезити
