Мага ай сайын кат менен кошо 100 доллар келе баштады
Үчөөбүз бактылуу жашап жатканбыз. Бир күнү күйөөм иштегени шаарга кетти. Башында байланышып, акча салып турду, бирок бара-бара кабар албай калды. Уулум экөөбүз жашоо үчүн базарда соода кылып, күн кечире баштадык.
Үч жылдан кийин күйөөм кайтып келди, бирок бизден баш тартып, башка аялга үйлөнгөнүн айтты. Балабызды алып кетерин билдирди. Мен “уулум атасын тандабайт” деп ойлогом, бирок ал "атам бай, каалаганымды алып берет" деп кетүүгө макул болду.
Кайгыга батсам да, “уулум кайра келет” деп үмүттөндүм. Бир нече айдан кийин почточу кат алып келди, ичинде 100 доллар жана "мен сизди жакшы көрөм" деген жазуу бар экен. Кийин мындай каттар ай сайын келе баштады. Акыры уулумдан чоң кат алдым. Ал мени таштабаганын, жөн гана жардам берүүнү каалаганын жазыптыр. “Атам акча бермек эмес, ошондуктан мен кеттим, бирок сизди унуткан жокмун, бир күнү сөзсүз кайтып келем” дептир...
Айдай
"Азия Ньюс" гезити
