Нургүл Акимова: “Учурдагы экономикалык мамилелердин потенциалы бар”
Экономика жана финансы министринин кеңешчиси менен маек.
-- Инвестиция тартуу боюнча Өзбекстан менен Казакстандан кандай айырмабыз бар? Инвестиция тартуу иштеринде жылыш болуудабы?
-- Артта калган жокпуз. Бир эле мисал келтирейин: инвестиция ички дүң (ИДП) продукцияны чыгарууга багытталат. ИДПнын көлөмү Кыргызстанда 1280 доллар болсо, Өзбекстанда 1500 доллар. Ошол эле учурда биз туура түшүнүшүбүз керек. Мисалы, Түркиянын текстили Өзбекстандан Кыргызстанга, андан ары Россияга багытталат.
Бүгүнкү күндө Баку–Тбилиси–Карс темир жол линиясынын инфраструктурасын пайдалануу менен жүк ташуу Түркия–Грузия–Азербайжан–Казакстан–Россия–Түркмөнстан–Өзбекстан–Кыргызстан–Кытай жана Кытай–Европа маршруту боюнча жүргүзүлөт.
Анан дагы өзбек тарап «Кытай–Кыргызстан–Өзбекстан» темир жолунун айрым тилкелерин долбоорлоого жана курууга катышууга, ошондой эле долбоордун техникалык-экономикалык негиздемесинин даярдыгы, деңгээли боюнча каржылоо маселесин кароого убакыт келгенин билдиргенине караганда, Кыргызстан жана Өзбекстан металлдарды Кытайга сатат (!) деп божомолдосок туура болчудай. Бул да болсо инвестициялык алака.
Негизи, экономикалык мамилелердин потенциалы бар. Анткени Кыргызстанда миллиондон ашык өзбек улуту жашаса, Өзбекстанда 300 миңден ашуун этностук кыргыздар жашайт. Айтмакчы, инновациялык технопарктар жана «IT парктар» өндүрүштү арзандатат, мындай модель инвесторлордун кызыгуусун жаратат.
Жамиля Нурманбетова
"Азия Ньюс" гезити
