Элдар Абакиров: “Мугалимдердин айлыгы кайсы каражат менен көтөрүлгөнү белгисиз”
-- Мугалимдердин, дарыгерлердин маянасын жогорулатууга бийлик убада берди. Бирок каражат кайдан алынат? Бюджетибиз кандай абалда? Бажыкана, салыктардагы коррупция кантип атат?
-- Мугалимдердин, дарыгерлердин айлыгын көтөрүү – албетте, бул бүгүнкү күндүн зарыл талабы. Бирок, кайсы каражат менен көтөрүлгөнү белгисиз. Бюджет 3-4%дын эле тегерегинде. Эгер бюджеттин өсүшү көмүскө экономика аркылуу, анан көмүскө экономика менен күрөш аркылуу өсүп жатса, бул жакшы көрүнүш. Ал өсүшү жок эле айлыктарды көтөрүп жатса, демек, жөн эле “печать станогу” деп коёбуз. Кошумча акчаны көбөйтүп чыгарып коюу инфляцияга алып келет. Сомдун түшүшүнө жеткирет. Бажыкана боюнча так маалымат жок. Жүктөр көп жүрө баштады. Кыргызстанды көздөй жүздөгөн жүк ташуучу унаалар турат...
Жамиля Нурманбетова
"Азия Ньюс" гезити
