Убагында Ташиевдин баласына Турганбаев менен Султанов басым жасаганбы?
Атамбаевдин доорунда Мелис Турганбаев Бишкек ШИИБни жетектеп тургандагы бир окуяны эске салалы. Агезде президенттин кудасы Алымбайдын баласы Улан Султанов Октябрь РИИБнин орун басары эле. Камчыбек Ташиев башкы оппозиционер, түрмөгө камалып чыгып, куугунтук көрүп жүргөн. Ошол кезде Мелис Турганбаев менен Улан Султанов карасанатайлык иш жасашканбы? Камчыбек Ташиевдин уулун каралоого алдырып, сүрөт-видеого тарттырып, жаманатты кылууга аракеттенишкени эсиңердеби? Бирок майнап чыккан эмес. Атасына өчөшүү менен жаш балага моралдык-психологиялык жактан басым кылышканы кайсы логикага сыят эле? Мына ушул соболдорго жооп алгыбыз келет. Мелис Турганбаев өмүр бою милицияда иштеп, бай-манапка айланганы жалганбы? Улан Султанов ИИМдин баңгизаттарга каршы күрөшүү башкы башкармалыгын жетектеп отурат. Же ишинин майнабы чыксачы? Учурда баңгиликке берилген жаштар, наркотик саткандар арбып жаткан чакта, реалдуу күрөш жарыялай албай, жылуу креслосунда мукурап калгандай...
"Азия Ньюс" гезити
