Эркин Мамбеталиевге караганда Икрам Илмиянов он эсе бай
Аз күн мурда Эркин Мамбеталиев камалып, таяк жеп, акыры 4 миллион долларга бааланган мүлкү мамлекетке алынары кабарланган. Убагында бир топ үрөй учурган кылмыштарга айыпталганына кайрылбай эле коёлу. Кеп башкада. Ооба, илгери Икрам Илмиянов да өтө оор ишти жашырууга шектелип, Эркин Мамбеталиевден соң камалып кеткен. Акаев заманында. Түрмөдө көпкө отурган эмес. 2010-жылдан кийин Илмияновдун жылдызы жанып, президенттин аппарат башчысынын орун басарлыгына чейин көтөрүлүп, өлкөдөгү маанилүү иштерди чечип калган. Эбегейсиз байыган эле. Сокенин кезинде “Алдамчылык” беренеси боюнча камалып, кайра чыгып кеткен. Эркинге салыштырганда Икрам бери дегенде он эсе “кыртыштуу” болсо керек. “Мыйзамсыз баюу” беренесине бап келет. Учурда “кустуруу” процесси жүрүп жатканда, бул эргул эмнеге көлөкөдө калды? Же шакирти Каныбек Туманбаев калкалап калганбы?..
"Азия Ньюс" гезити
