“Коронавирус жок” деген Түркмөнстанда өлүм күч алды
Өлкө жетекчилиги Түркмөнстанда коронавирус жуктургандар бар экенин мойнуна албаганы менен буга чейин темир жол каттамы жабылган. Ошондой эле мечиттер жабылып, жашоочуларга беткап тагынуу сунушталган.
Жергиликтүү тургундардын айтымында, Ашхабаддын ооруканаларында күн сайын аз дегенде 50 адам каза болуп жатат. Ооруканалар бейтаптарга толуп, алардын баарына пневмония деген диагноз коюлууда. Кызматкерлер реанимациядан моргго сөөктөрдү ташып жетишпей калганын билдиришкен. Аны менен бирге өлүктөрдү салуучу мүшөктөр да тартыш болуп, анын айынан жансыз денелерди атайын хлор менен жуулган чүпүрөктөргө ороп көмүшүүдө. Мамлекеттин жетекчилери өз убагында керектүү каражаттар менен камсыз кылууну убада бергени менен жетишпей жатканы айтылды.
"Азия Ньюс" гезити
