Министр Бообек Ажикеев жаратылыш кырсыктарына кайдыгерби? Таңгаласың...
Ноокаттагы сел бийликтин дараметин көрсөтүп койду. Ташкын суудан коргологон миңден ашык эл бир күндөн кийин тоодон куткарылды. Каза болгон мекендештерге кейийсиң. Бул арада өзгөчө кырдаалдар министрлиги эртеси күнү кыймылдады. Баракелде! А эмне үчүн оперативдүү чаралар көрүлгөн жок? Таңгалычтуу жагдай. Министр Бообек Ажикеев каякта жүрдү? Иштебесе эс алууга кете бербейби? Эмнеге мынча ыңгайсыздык жаратат? Быйыл канча деген жаратылыш кырсыктары катталып атат, бир жерге барганын көрдүкпү? Айтор, көп суроолор бар. Сөз коротуп не? “Сууну да сиңген жерге куй” демекчи, тоготпогон жетекчиге айтып бекер. Бообек Ажикеевге премьер-министр баш болуп, эч кимиси унчуга албаса, таасири ташты жарабы? Мындан да кыйынсынган жетекчилерди көргөнбүз, баары өтүштү. Бирок алар элге текеберленип, керкейишкен эмес!
"Азия Ньюс" гезити
