Туманбаев “кол баласы” Балтабаев аркылуу чалмакей чалабы?
Мамлекеттик ипотекалык компанияны Алмамбет Шыкмаматов жетектеп, ырааттуу башкарып, көп мүчүлүштүктөрдөн арылтып, элге жеңилдетилген шартта үй берүүнү жолго салып келатты эле. Тилекке каршы, ички интригалардын айынан президенттин жардамчысына айланды. А эмнеге мындай өзгөрүүлөр болуп кетти? Көрсө, Каныбек Туманбаев өзүнүн “кол баласы” Темиркул Балтабаевди МИКке дайындатып, толук кандуу башкарууга ээ болгон экен. Эми ипотекалык үйлөрдү Туманбаев каалаган адамдарына тарата алабы? Карачы, логика кайсы жагына туңгуюктап баратат? Шыкмаматов дасыккан юрист, чычканга кебек алдырбаган кыраакы саясатчы эмеспи. Ал баардык жумушту мыйзамдын тили аркылуу өткөзмөк. Бирок... Эми чалмакейди чалышабы? Көрө жаталы. Кыңыр иш Кыргызстанда оңой эле калкып чыгат.
"Азия Ньюс" гезити
