Жол кырсыктарынын себептери, түпкү мааниси тереңде...
Өлкөбүздө жол кырсыктарынын азайбай жатышынын себептери арбын. 20-30 жылдан берки топтолгон көйгөй. Буга чейин айдоочулук күбөлүктөрдүн сатылып кеткенин, окутпай эле таратышканын кантебиз? Эрежеге, коопсуздукка кайдыгер карап келишкен. Бир эсе жылдан-жылга автоунаалардын көбөйүшү, а жолдорубуз талапка жооп бербегени жашыруун эмес. Ошентип, күтүүсүз кырсыктардын келип чыгышынын түпкү мааниси тереңде. Жол кыймылынын коопсуздугун камсыздоо башкармалыгы соңку убакта алгылыктуу аракеттерге, түшүндүрүүгө басым жасап, тарбиялык нускалуу багыттарды бере баштады. Жетекчиликтин сергек кароосу менен өздүк курам көзөмөлдү күчөтүүдө. Кудай буюрса, мындан ары да жоопкерчиликти, эреже-тартипти чыңдашса, алдыга карай жылыш болоруна ишеним чоң!
"Азия Ньюс" гезити
