Улукбек Марипов үмүткө суу септи. Садыр Жапаров өкүнүп аткандыр...
“Чимкирик” депутаттар буга чейин деле жогору жактан көрсөтүлгөн премьер-министрди мактап-жакташып, жасалма суроолорду берүү менен кошомат кылып келишкен. Бул саам үй-бүлөсү кул ээлөөчүлүк зомбулукка шектелген, идея, демилгеси жок, “жардамчылык” көз караштагы Улукбек Мариповду көкөлөтүп жатып калышты. Премьер-министрликке дайындалбай жатып чуулгандуу кептерге кабылган адамдын иштеп кетүүсүн кандай элестетесиңер? Камактагы Атамбаевдин, качып кеткен Шадиевдин жардамчысы катары телчиккен, экөөнүн арты менен көлөкөдөн карьера жасаган Улукбек Марипов өкмөт башчы эмес, кагаз ташыгыч “кол бала” сыңарындай кызмат кылары алдыртан байкалып калды. Сыягы, Садыр Жапаров деле өкүнүп аткандыр. Үмүткө суу сепкени үчүн... Өкмөттү башкарбай жатып бийликтин рейтингин түшүргөнү анык. Ого бетер көпчүлүктүн шаштысын кетирип, кыжырдануу кырдыбычакка айланды.
"Азия Ньюс" гезити
