Жумалиевдин “шоусу” менен Жапыкеев жакында жылмышып кетеби?..
Экономикалык кылмыштарга каршы күрөшүү мамлекеттик кызматынын төрагасы Сыймык Жапыкеев бир канча ирет Кубанычбек Жумалиевдин мыйзамсыз байыганы боюнча камаларын айткан. А эмнеге жыйынтыгы жок? Баштагы кухнядан айтылган сөздөр кийин да кайталанган. Жапыкеев финполду жетектегенден бери Жумалиевдин артынан түшкөнүн, мамлекеттин эсебинен байыганын айтып, байма-бай камакка алынарын билдирип келди. Башка көзгө басар иши болбосо да, ушул маселени аягына чыгарууга эмне тоскоолдук жаралды? “Эки тизгин бир чылбыр” колунда, жыйынтык көрсөтпөйбү?.. (Деги эле мамлекеттик жогорку кызматкерлер, өзгөчө күч органдарынын жетекчилери алдын ала ооз толтура бакылдашпай, курулай убадаларды бербей эле ырааттуулукту ойлошпойбу?). Иштин натыйжасы болбосо ээрден ооп түшөрү белгилүү го? Сыягы, Жумалиевге байланышкан “шоунун” артынан Жапыкеев жакында жылмышып кетпейби?..
"Азия Ньюс" гезити
