Кыйын күндө Жээнбековдун жанында Алмамбет Салиев калыптыр
Төңкөрүштөн кийин Сооронбай Жээнбековдун жок болуп кеткени, Канттагы Россиянын аскер базасына барганы боюнча версиялар жазылган. Бирок, бизге өздүк булагыбыз кызыктуу маалымат берди. 5-октябрь түнү Сооронбай Жээнбеков аппарат башчысынын орун басары Алмамбет Салиевдин үйүнө барып, ал жерде да көпкө боло албай, жашыруун бир квартирага баш калкалашыптыр. Эки-үч күн “буктурмада” жатышкандан соң коопсуздукка кепилдиктерди алышып, анан резиденцияга башбагышканын билдиришти. Мамлекеттик күзөт кызматынын айрым адамдары да булар менен чогуу жүрүшкөн. Ошол убакыттарда Алмамбет Салиев эр жүрөктүк кылып, шефин сатпай аягына чейин туруп бергени тар чөйрөдө алкоого татыды. Саясый кырдаалга жараша экс-президенттин айланасындагы көп кадрлар жүз буруп кетишпедиби, дал ошондой жүзүкаралардын көптүгүнөн мамлекетибиздин өнүгүүсүнө балта чабылып, туруксуздук жаралды да...
"Азия Ньюс" гезити
