Жеңил пиар, популизмдин “чебери” Элвира Сурабалдиеванын жүрүштөрү
Шайлоо шааниси менен өлкөдөгү кырдаалды курчутууга Элвира Сурабалдиеванын салым кошкону жалганбы? Көпчүлүктөн кагуу жеп, акыры аксакалдын да колу тийген. Ала-Тоо аянтынан сүрүлгөнүн көргөнсүңөр... Балээнин баарын баштап коюп, өлкөдө туруктуулук орной электе жеңил пиар, популизм менен Элвира Сурабалдиева өзүн көрсөттү. Мандатын тапшырды. Кайра вице-премьер-министрлик кызматка келди. Эрдик кылгансып. Канчалык жанталашып, элге жагынуунун амалын издесе да суу кечпеси анык. Ансыз да парламенттин мөөнөтү бүтүп калган, Акүйдөгү кабинеттери талкаланган. Саясый чордондо ыйкы-тыйкы, тирешүү, кылчайнашуу күчүндө. Дал ушундай шартта Сурабалдиева ойт берип, жаңы бийликке кошомат кылуу менен “маскасын” алмаштырды. Колунан башка нерсе келмек беле? Кызыгы, айрым жалданма журналисттерге “секиригин” байма-бай мактатканы байкалып калды. Айтор, кандай ойдолоктосо да баягы эле Элвира да. “Алма сабагынан алыс түшпөйт” эмеспи...
"Азия Ньюс" гезити