“Чоңказатчы” Асхат Осмонов кызмат үчүн чырлаша береби?
“Төңкөрүш кылдык” деп төш кагышып, кызмат талашкан айрым жаштарга таңгаласың. Элди да тажатып бүтүштү. Күндө ыр-чыр уюштура беришип. Ошолордун бири “чоңказатчы” Асхат Осмонов. Бир туруп мэр, кайра министр болгусу келет. Иралды жөнөкөй кызматкер, бөлүм башчы, башкармалыктын жетекчиси сыяктуу тепкичтерди басып, 15-20 жылда чоң креслого илинсе эп болот да, туурабы? Тилекке каршы, ушундайлар көчөдөн эле келе калышып, миңдеген, миллиондогон адамдардын тагдырын чече турган жетекчилик орундарга асылышат. Билим, тажрыйбаны булар эске алышпайбы? Курулай амбиция менен качанкыга чейин ашына беришет?.. Ток этери, Асхат Осмоновдун акылы болсо, шериктерин да тыйып, элди ойлоп, тынчтыкты сактоого кадам ташташ керек. Андай эле иштерман экен, айыл өкмөт, же акимдин орун басарлыгына барбайбы? Ушул жагы да чоң жоопкерчилик!
"Азия Ньюс" гезити