Кайра эсептөөлөр менен “Мекенчил”, “Республика” партиялары өтөбү?
Шайлоонун жыйынтыгы баарына белгилүү. Кандай мыйзам бузуулар болгонуна коомчулук күбө. БШКнын кол менен эсептөөсү боюнча “Мекеним Кыргызстан”, “Биримдик” “Кыргызстан” партиялары алдыда. Ал эми “Бүтүн Кыргызстан” 7 пайыздык босого чекке жетпей турат. Нааразы болгон саясый күчтөр Ала Тоо аянтына митингге чыгышты.
7 пайыздык босого чекке “Мекенчил” менен “Республика” партиялары жакындаган. БШК 31 шайлоо участогунан арыздар келип түшкөнүн билдирди. Негизинен алдыга озгондорго карата даттануулар арбын. Натыйжада, калыстык үчүн дыкат иликтөөлөр, кошумча эсептөөлөр жүргүзүлсө, береги куйрук улаш келген “Мекенчил”, “Бүтүн Кыргызстан”, “Республика” партиялары парламентке өтүп кетишсе, саясый кырдаалдын тынчышына шарт түзүлөт. Ал эми калган партиялар ири айырмачылыктар менен артта калууда.
Aryba.kg
