Бийлик-оппозиция кайым айтышып, абактагы саясатчылар айбат көрсөтүшүп, улам активисттер камалышып, эки жээктин күрөшү күчөп бараткандай. Мындай жагдайда караңгы коомчулуктан Максат ажы Токтомушев упай алып, аброюн барган сайын жогорулатып, интернет айдыңында үгүт-насаат тасмаларын жайылтууда. Колдоочулары күн сайын көбөйүп баратат. Өзгөчө Чубак ажы өлгөндөн кийин анын тарапташтары, аудиториясы кеңейип, арбып кеттиби? Соцтармактарда Максат ажы Токтомушевди алкагандар, президентке теңегендер да чыгууда. Мунун акыры эмнеге алып барышы мүмкүн? Карапайым катмар саясатчылардан, интеллигенциядан тажап турган чакта, кезектеги аламанда, же алдыдагы шайлоодо Максат ажыны колдоп кетишпейби? Эске салсак, Украинада шоумен Зеленскийди тандап алышкандай, кыкеңдер артка, орто кылымга кетишип, молдону көтөрүп чыгышса кантесиңер? Ошон үчүн күмүш сырга катары коомчулукту заманбап билимге, туура тандоого шыктандырып, алдыга өсүүгө гана умтулуу керек. Өлкөдөгү туруктуулукту бекемдөө үчүн ириде диний агымдарды саясатка аралаштырбай, чөптөн жапыз абалда кармоо максатка ылайык эле. Тилекке каршы, бизде даават, шарыят айткандар популярдуулукка ээ болуп, кайда баратабыз? Эртең баары кеч болуп, чыканагыбызды тиштеп калбасак экен!

"Азия Ньюс" гезити

Бөлүшүү:

Тектеш материалдар:

« Декабрь 2025 »
Пн	Вт	Ср	Чт	Пт	Сб	Вс
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30	31