“Замандашта” акча калбай калса, электораты башкаларга ооп кетеби?
Эх, өкүнүчтүү! Жеңиш Молдокматов арканды алыс ыргытканда не? Шайлоого жетпей эле “Замандаш” партиясы каражаттан каржалып, какшып калганы тар чөйрөдө талкууга алынууда. Эми эки жумага жетпеген убакытта эмне кылышат?
Алдыга умтулган атаандаш партиялар күпүлдөшүп, кирген суудай эле оргуштай башташты. Улам марага жакындаган сайын жеңишке жете тургандар камчы салышып, каражаттарын арбын чачышууда. “Замандашчылар” болсо бозүйдө божурашып, пиар кампаниядан да артта калышканы маалым. Албетте, таза, көптү үмүттөндүргөн саясый күчтү мүдүрүлтүп алышты. Курамында Мелис Турганбаев, Элмурза Сатыбалдиев өңдүү генералдар, Тимур Саралаев, Жакшылык Матанов сыяктуу жалындуу жаштар бар болчу. Булар парламентке келишсе, эл үчүн иштөөгө дит коюшмак. Шайлоочулар баалашмак да, туурабы? Ушунчалык жылуу ойлор, суроолор жоопсуз калганы кандай? Тилекке каршы, партиянын штабында акча калбай калса, колдоочу электораты башкаларга ооп кете беришеби?..