Түпкүрүндө оппозицияны Тилекмат Күрөңовго окшогон акылсыздар жаманатты кылышууда
Вице-премьер-министр Эдил Байсалов “Тилекмат көкмээ” деп туура эле жазган окшойт. Бул эргул АКШда жатып алып, элди митингге үндөп, соцтармактан байма-бай чыгып атты. Бетинен заары чыгып, оорулуу түстө көрүнгөнү коомчулукту жийиркентти. Өзү келбейт, бирок көпчүлүктү митингге үндөйт. Өтө сабатсыздык, бузукулук жана аша чапкандык эле. Кыргыздын акыл-эстүү жигити мындай пастык деңгээлге түшмөк эмес. Конкреттүү маселеси жок, чагымчылык, тескери жорукту козутуу. Аягында уят болду. Бир да адам нааразычылык акциясына чыккан жок. Түпкүрүндө оппозицияны Тилекмат Күрөңовго окшогон аңды-дөңдү карабаган, акылсыздар жаманатты кылышууда. Элдин атынан сүйлөп, ыпластыкка багыштаган мындай эки шыйрактууну эч ким укпаганы, ага маани бербегени туура болду. Акыры кыргыз эли кимдин ким экенин билет тура...
"Азия Ньюс" гезити
