Абжалиев лөктөрдүн баарын РАЖга топтоп, аягында “чөктүрүп” жибереби?
Учурда “Республика – Ата Журт” партиясына Ахматбек Келдибеков, Улукбек Ормонов, Элмурза Сатыбалдиев, Камчыбек Ташиев ж.б. лөктөр чогула баштаптыр. Аларга Өмүрбек Бабановдун командасынан Руслан Казакбаев, Кенжебек Бокоев, Максат Сабиров, Мирлан Жээнчороев сыяктуу сатпаган адамдар бириксе, таасирдүү альянс жаралары турган иш. Бул биригүүлөрдүн артында олигарх Алиярбек Абжалиев турары, ал күзгө чейин сүрөп, кызыгы, шайлоого аз калганда “чөктүрүп” жиберери ыраспы? Андай болсо бийликке жакпаган, баш оору жараткан бир топ саясатчылар парламентке өтпөй калышары маалым. Мындай комбинацияны Алиярбек Абжалиевдин колу аркылуу жасоонун кандай зарылчылыгы бар? Себеби, анын таасири артып турган чак. Буйрутманы так аткарып, кызык оюнду салууга аралашып калдыбы? Аягында олигарх чыйт түкүрүп, мамлекеттик кызматка кетип калары болжонууда.
Aryba.kg