Азамат Ногойбаевдин ден соолугу жайында болбосо, пенсияга кете бербейби?
“Бир күнү оору, бир күн соо Алымкан” демекчи, Азамат Ногойбаев ГУУРдун түштүк аймагы боюнча жетекчилигине дайындалганы кыйратып деле иштебей, ден соолугу менен алышып жүргөнүн коллегалары айтышууда. Сахары көтөрүлүп, жүрөгү ооруйт экен. Саламаттыгы солгундап, милициянын оор түйшүгүн көтөрө албаса, пенсияга чыгып, курсагын сылап жата бербейби? Эмнеге маанилүү орунду бошотпой, же иштеп жыргатпай, ИИМди артка тартып келет? Татыктуу деле кадрлар бар, бирок алардын фамилиясын жазсаң, тийешелүү жетекчиликтер жазалап киришет да. Андыктан, унчукпай эле туралы. Кылмыштуулук менен ким кандай күрөшкөнүн билебиз, учурда алдыңкы деңгээлде иштеп аткан полковниктер да бар. Мына ошондой сергек, тың кадрларды облустук алкактагы жетекчилик орундарга көтөрүп, профессионалдык ишмердигине жараша баа бериш керек да. Кыйындарды эмнеге басмырлай бересиңер?..
"Азия Ньюс" гезити
