Эмилбек Абдыкадыров шаардыктардын кыжырына тийбей кетсин!

Бишкек мэри Эмилбек Абдыкадыров тротуарларды, көчөлөрдү каздырып салып, жумалап, айлап оңдотпой, шалаакылык жасап жатканына эл да көнүп бүттү. Мындай көрүнүш шаардын баардык жактарында бар. Шалдырап иштей албай атса, пенсияга кете бербейби? Кылычын сүйрөп кыш келатат, бир жагынан свет өчүп, суу токтоп, айтор, жашоого шарт түзө албай, улам катачылыктарды кетирүүдө.
Айтмакчы, шаардын башкы архитектору Урмат Карыбаев кармалганы кабарланды. Ал коррупциялык иштерди жасап атса, Эмилбек Абдыкадыров суудан кургак чыгабы? Бизде бийликте турган адамдардын былыктары убагында байкалбайт, качан кызматтан кеткенде арты чукулуп, түрмөгө түшүү салтка айланып калган да, туурабы? Эртеңки күндөрү Эмилбектин “элементтери” да эриктирбесе керек...
"Азия Ньюс" гезити