Бейшеналиевге жасаган Зулушевдин кыянаттагы мезгилдин өтүшү менен ачыкталды
Башкы прокурор Курманкул Зулушев саламаттык сактоо министри Алымкадыр Бейшеналиевди коркунучтуу кылмышкердей камап, кастарын катуу тиккен. Тилекке каршы, козгогон кылмыш иштери чекесинен “сынып”, орунсуз кум сепилдей урап түштү. Аныгында Алымкадыр мырза акталып чыкты. Жеке таарыныч, көралбастык, тирешүүнүн айынан эле куугунтукка алынганбы? Тагдырдын сыноосунан татыктуу чыккан каарманыбыз кайрадан өзүнүн ордуна келип, баштаган иштерин аягына чыгуу менен реформанын атасын таанытканы калды. “Бөдөнөнү сойсо да касапчы сойсун” демекчи, натыйжада, өз ишинин устаты кемелине келип, саламаттык сактоо тармагын жаңылап, эски калдыктардан арылуу, өнүгүү жолуна түшөрү шексиз. Аныгында коррупцияга каршы күрөшүү, мамлекеттик ооруканаларды менчигиндей пайдаланган башкы врачтардын сары изине түшүү, профессионал кадрларды тартуу, медицинанын абалын жакшыртуу жагынан кадам салынса. Мындай изги ийгиликтерге Алымкадыр Бейшеналиев жетери, эрдигин көрсөтөрү айкын. Болгону иштегенге мүмкүнчүлүк бериш керек да.
Ошентип, К.Зулушевдин кыянаттыгы А.Бейшеналиевге жасалган чабуулдун негизинде ачыкталып калдыбы? Мезгил, тарых баары бир кимдин ким экенин аныктап, ордуна коёт тура. Жазасын да берет...
"Азия Ньюс" гезити
