Унутулган 200 миллион доллар... Ширшов турганда Имановдон кутулбайбыз
Санариптик өнүктүрүү министри Талантбек Иманов шефи Алексей Ширшовдун долбоорлорунан башка эмне иштерди бүтүрдү? Булардын кыргыз элине кылган кыянаттыгынан башка жакшылыгы барбы? Такыр түшүнбөйсүң. Талантбек Имановдун санариптик өнүктүрүү ишинин үзүрүн көрмөк тургай сезген да жокпуз. Ишмердиги коомчулукка белгисиз. Ушундай “эт менен челдин” ортосунда жүргөн эргул эми президенттин алдындагы инвестицияларды тартуу агенттигинин жетекчилигине дайындалды. Сүткө тойгон күчүктөй болуп, “майлуу” жерден кетпейт экен да. Устаты Ширшовдун кызыкчылыгын иш жүзүнө ашырып турганда, Имановдон азырынча кутулбайт окшойбуз.
Кызык, Ширшов убада кылып, Максим Бакиевдин 200 миллион долларын казынага төктүрмөк да, эмне болду? Же “лапша” беле?..
"Азия Ньюс" гезити
