Курманкул Зулушев Оштогу кызматкери Өмүрбек Жүжүровду текшертеби?
Ош шаардык прокуратурасынын бөлүм башчысы Өмүрбек Жүжүровго жиндери кашайгандар арбыптыр. Арызданышса тийешелүү органдар угушпайбы? Адамдардын даты көбөйгөнү жакшы эмес го. Бул прокурор бир кыйла жер участокторун текшертип, “мыйзамсыз алынган” таризинде мамлекеттик каттоону, архитектураны коркутуп-үркүтүү менен пайда табууга кириштиби? “Кылдан кыйкым издеп”, кызматтык таасирин пайдалануунун натыйжасында жерлерге ээлик кылып, кайра аларды саттырып, “бизнесин” улантып жатабы? Коррупцияга белчесинен баттыбы? Ооба, сурап турган кербезибиз. Жабыркаган жергиликтүү тургундар кайрылып жатышса, кантип собол салбайсың? Азыр коңгуроо кагып койбосок, эртең кеч болуп калбайбы? Дал ушул жагын башкы прокурор Курманкул Зулушев текшертип, бир жыйынтыкка келерине ишене туралы. “Шамал болбосо чөптүн башы кыймылдабайт” дейт.
"Азия Ньюс" гезити
