Курманкул Зулушев... “От” эмнеден чыкты?
Соңку айларда башкы прокурор Курманкул Зулушевдин таасири артып, бийлик короосундагы көп министрлерге кыр көрсөтүп, өзүнчө маанилүү фигурага айланып баратат. УКМК төрагасы Камчыбек Ташиевге каяша айткан көпөс депутаттарга кылмыш иши прокуратура тарабынан козголбой калганы, каржылык чатактар боюнча имиштер удургуганы, айтор, ички келишпестиктер ырбап кеткени, бирок коомчулукка ачыкталбай жатканы эмнени билдирет? Башкы прокурордун ордуна тымызын чуркаган талапкерлердин ойгонгону бекер жерден эмес го? Президент Садыр Жапаров калыстык үчүн нейтралдуу позицияны кармап отурганы каңкууланды. Камчыбек Ташиев менен Курманкул Зулушевдин тиреши кандай аяктайт? Соцтармактардан эки тараптуу чабуулдар бекер жерден чыгып атпаса керек. Кыскасы, лөктөрдүн кармашуусу боюнча саясый интеллигенцияда кызыккандар көп. Жандырмагы, жообу ачыкталабы?..
"Азия Ньюс" гезити
