Кошоматчылардын уюшмасына айланган “Генералдык клубу” жоюлуп эле кетпейби?
1-ноябрь милиция күнүнө карата “Генералдар клубу” майрамдашып, өз ара чер жазып алышты. Бул уюмду Сабырбек Дубанаев жетектейт. Ичиндеги уюшмаларын тизмектебей эле коёлу. Басымдуу бөлүгү кошоматчылар. Кайсы бийлик келбесин, баарына жагымпоздонуп эле жүрүшөт. Көбүнчөсү байлыктарын сактап калуу, балдарын кызматтарга орноштуруу, бизнестерин жүргүзүү сыяктуу пендечилик иш-аракеттерден көтөрүлө албай калышкан. Коомчулуктагы көрүнүштөргө калыс пикирлерин айта алышпайт. Жалтакташат. Бийликти сындабай эле коюшсун, жүрөктөрү түшүп калбайбы! Тек гана адилеттүүлүктү оозана алышпаганына таңгаласың. Той-аштарда гана төргө отурууга жулунушат, деңгээлдерин карачы! Жыйынтыктай келсек, мындай “Генералдык клубдун” кимге кереги бар? Тынч эле жоюлуп кетишпейби?! Элдин кыжырын кайнатышпай…
"Азия Ньюс" гезити
