Акыркы кабарлар
» Саясат » Кылмыш иши козголгон министр Бекмурзаев ооруканага түштү
Кылмыш иши козголгон министр Бекмурзаев ооруканага түштү
13-сентябрь, 17:14
Маалым болгондой, ал президенттин жана өкмөттүн иш башкармалыгынын клиникалык ооруканасына жаткырылган.
Бүгүн, 13-сентябрда башкы прокуратура энергетика министри Доскул Бекмурзаевге “Кызмат абалынан кыянаттык менен пайдалануу” фактылары боюнча эки кылмыш ишин козгоду.
Маалыматка ылайык, Бекмурзаев 2021-2022-жылдары кызматынан пайдаланып, тийиштүү тармакта адис эмес кызматкерлерди мамлекеттик бюджеттин эсебинен Бириккен Араб Эмирлигине, Түркияга, Өзбекстанга жана Россияга кызматтык иш-сапарларга негизсиз жөнөтүп, мамлекетке олутуу материалдык зыян келтирген.
Мындан тышкары, министр "Теплые ключи" ден соолукту чыңдоо комплексинин объектилерин капиталдык оңдоодо "Б" аттуу ЖЧКны 15 миллион сомдон ашык чыгымга учураткан.
Бекмурзаевдин кылмыштуу аракеттеринен улам мамлекетке жана жеке жактарга ири өлчөмдө зыян келтирилгени кошумчаланды.
